AQShda samolyot turar-joy binosiga quladi
Minnesotada samolyot qulashidan so‘ng yong‘in yuzaga kelgan.
AQShning Minnesota shtatidagi Bruklin-Park shahrida kichik samolyot qo‘nish vaqtida nazoratni yo‘qotib, turar-joy binosiga qulab tushdi. Ma’lumotlarga ko‘ra, hodisa 29-mart kuni mahalliy vaqt bilan 12:20 da sodir bo‘lgan.
Samolyotning qulashidan so‘ng kuchli yong‘in kelib chiqqan. Dastlabki ma’lumotlarga ko‘ra, samolyot bortidagi barcha yo‘lovchilar va ekipaj a’zolari halok bo‘lgan. Biroq, uydagilar jabrlanmagan.
Hodisa joyiga qutqaruv xizmatlari yetib kelgan, Milliy transport xavfsizligi kengashi (NTSB) esa halokat sabablari bo‘yicha tergov boshlagan. Rasmiylar hodisa tafsilotlarini aniqlashtirishda davom etmoqda.
