AQSH Rossiya neftiga boj solish bilan tahdid qildi
Tramp Rossiya neftini sotib olganlar AQShda biznes qila olmasligini ta'kidladi.
Donald Tramp NBC jurnalisti Kristen Uelker bilan suhbatda Rossiya Prezidenti Vladimir Putinning Vladimir Zelenskiyni tanqid qilganiga keskin munosabat bildirdi.
"Agar Rossiya bilan Ukrainadagi urushni to‘xtatish bo‘yicha kelishuvga erisha olmasak va men bunga Moskvani aybdor deb bilsam, Rossiya neftiga qo‘shimcha boj joriy qilaman", – dedi AQSh prezidenti.
Trampning so‘zlariga ko‘ra, ushbu qaror Rossiya neftiga 25 foiz boj qo‘llanishiga olib kelishi mumkin. U shunday qo‘shimcha qildi: "Bu shuni anglatadiki, agar siz Rossiya neftini sotib olsangiz, AQShda biznes yuritolmaysiz."
Shuningdek, Tramp yaqin kunlarda Vladimir Putin bilan uchrashuv rejalashtirayotganini ham ma’lum qildi.
