Eron AQSh bilan bevosita muzokaralarni rad etdi
Yadro kelishuvi bo‘yicha muzokaralar o'tkazilmasligi mumkin.
Eron prezidenti Mas’ud Pezeshkian AQSh prezidenti Donald Trampning maktubiga javoban Tehron Vashington bilan bevosita muzokaralardan bosh tortishini e’lon qildi. Bu Eronning AQShning yadro dasturi bo‘yicha so‘nggi taklifiga birinchi rasmiy javobi bo‘ldi.
Pezeshkianning aytishicha, Eron AQSh bilan bilvosita muzokaralarga ochiq, biroq hozirgacha bunday muloqotlar natija bermagan. Eron o‘z javobini Ummon vositachiligida yetkazgan.
So‘nggi yillarda AQSh va Eron o‘rtasidagi keskinlik ortib bormoqda. Tramp 2018-yilda AQShni Eron bilan tuzilgan xalqaro yadro bitimidan bir tomonlama chiqarib yuborgandan keyin mintaqadagi ziddiyat kuchaydi. Isroil va AQSh Eronning yadro quroliga ega bo‘lishiga yo‘l qo‘ymasliklarini bir necha bor ta’kidlagan. BMTning yadro nazorati bo‘yicha agentligi fevral oyida Eronning qurol darajasiga yaqin uran boyitish hajmini oshirgani haqida xabar bergan edi.
Tramp prezidentligi davomida AQSh Eronga qarshi bir necha harbiy operatsiyalarni amalga oshirgan, jumladan, 2020-yilda Bag‘dodda Eron general Qosim Sulaymoniyni dron hujumi orqali o‘ldirgan.
Oq uy hozircha Pezeshkian bayonotiga izoh bermadi.
