Bo'stonliqda mashina soyga tushib ketdi
U FVV xodimlari tomonidan olib chiqilgan.
Kecha, 1-aprel kuni soat 17:33 da Toshkent viloyati FVBga Bo‘stonliq tumani "Qoramozor" MFY hududidan oqib o‘tuvchi “Oqsoq ota” soyining bir qirg‘og‘idan ikkinchi qirg‘og‘iga o‘tishga harakat qilayotgan avtotransport vositasida nosozlik yuzaga kelib, transport vositasi soy ichida qolib ketganligi haqida xabar kelib tushgan.
Voqea joyiga darhol Bo‘stonliq tumani Ixtisoslashgan ko‘p tarmoqli boshqarmasi va O‘rmon yong‘inlarini bartaraf etishga ixtisoslashgan yong‘in-qutqaruv otryadi qutqaruvchilari yetib borgan. Maxsus texnika yordamida avtotransport vositasi xavfsiz hududga chiqarilgan.
Hodisa oqibatida jabrlanganlar yo‘q.
