Qizg'izistonda bola attraksiondan qulab tushdi
Hozirda hodisaning sabablari o‘rganilmoqda.
Qirg‘iziston poytaxti Bishkek shahridagi bog‘lardan birida tez harakatlanuvchi attraksionda dahshatli hodisa yuz berdi.
Xabar berilishicha, bolalardan biri attraksiondan yerga qulab tushgan. Jabrlanuvchi og‘ir ahvolda shifoxonaga yotqizilgan. Unda miya chayqalishi va bir necha jiddiy jismoniy jarohatlar aniqlangan.
Voqea tasodifan guvoh bo‘lgan kishilar tomonidan videoga olingan. Hodisa yuz bergach, bog‘dagi attraksionlar darhol yopilib, huquq-tartibot organlari tergov ishlarini boshlagan.
Hodisaning aniq sabablari va bog‘ ma’muriyatining javobgarligi bo‘yicha tekshiruv davom etmoqda.
