19 yoshli bola dunyoning eng yosh milliarderiga aylandi
U Germaniyadagi farmatsevtika kompaniyasi merosxo‘ri hisoblanadi.
Forbes reytingiga ko‘ra, 19 yoshli Yoxannes fon Baumbax eng yosh milliarder deb e’lon qilindi. U Germaniyaning Boehringer Ingelheim farmatsevtika kompaniyasi merosxo‘rlaridan biri bo‘lib, uning boyligi 5,4 milliard dollar deb baholangan.
Forbes ro‘yxatining eng boy odami Tesla va SpaceX asoschisi Ilon Mask bo‘lib, uning boyligi 342 milliard dollarni tashkil etadi. Shuningdek, bu yil Forbes ro‘yxatiga 3028 milliarder kiritildi, ulardan 288 nafari yangi. Ular orasida aktyor Arnold Shvartsenegger ham bor, uning boyligi 1,1 milliard dollarga yetdi.
Ro‘yxatda eng keksa milliarder 103 yoshli Jorj Jozef bo‘lib, uning boyligi 1,9 milliard dollarni tashkil etadi. Ayollar orasida Walmart merosxo‘ri Elis Uolton eng badavlat ayol sifatida qayd etilgan — uning boyligi 101 milliard dollar.
