Shavkat Mirziyoyev Ozarbayjon Prezidenti bilan telefonlashdi
Suhbatda bo‘lajak oliy darajadagi uchrashuvlar rejasi ko‘rib chiqildi.
O‘zbekiston Respublikasi Prezidenti Shavkat Mirziyoyev 5 aprel kuni Ozarbayjon Respublikasi Prezidenti Ilhom Aliyev bilan telefon orqali muloqot qildi.
Davlat rahbarlari ikki va ko‘p tomonlama kun tartibidagi dolzarb masalalarni muhokama qildilar.
Savdo-iqtisodiy, investitsiyaviy va gumanitar sohalardagi kooperatsiya loyihalari va dasturlarini amalga oshirishni jadallashtirishga alohida eʼtibor qaratildi.
Bo‘lajak oliy darajadagi uchrashuvlar rejasi ko‘rib chiqildi.
Mintaqaviy hamkorlik, shu jumladan Turkiy davlatlar tashkiloti va Iqtisodiy hamkorlik tashkiloti doirasidagi masalalar yuzasidan ham fikr almashildi.
