Turkiya limon eksportini vaqtincha to'xtatishga qaror qildi
Bunga sovuq ob-havo va ichki talablar sabab bo'lgan.
Turkiya 8-apreldan boshlab xorijga limon yetkazib berishni vaqtincha to'xtatishga qaror qildi. Bu haqda Turkiya Savdo vazirligi xabar berdi, qaror esa Turkiya Qishloq va o‘rmon xo‘jaligi vazirligi bilan birgalikda qabul qilingan. Limon eksportining to‘xtatilishi sovuq ob-havo va ichki talabni himoya qilish, shuningdek, yetkazib berish xavfsizligini ta’minlash maqsadida amalga oshirilmoqda.
Turkiya Savdo vazirligi ma’lumotlariga ko‘ra, so‘nggi paytlarda O‘rtayer dengizi bo‘yidagi Adana, Mersin shaharlari va Xatay viloyatlarida sovuq ob-havo sharoitlari kuzatilgan, bu esa eksportni vaqtincha to‘xtatishga olib kelgan.
O‘zbekiston, 2024-yilda 3,9 million dollar qiymatidagi 16,5 ming tonna limon import qilgan. Shundan 10 024 tonna limon Turkiyadan kelgan. O‘zbekiston Turkiyadan eng ko‘p limon import qilgan davlatlar orasida birinchi o‘rinda turadi.
2024-yilda Turkiya, umumiy hisobda, 1 million 639 ming tonna sitrus mevalarini xorijga jo‘natgan. Rossiya, 375 million dollar qiymatidagi eksport hajmi bilan birinchi o‘rinda turadi, undan keyin Iroq, Ukraina, Ruminiya va Polsha joy olgan.
