Gruziyada elektr ta‘minotida yirik uzilish yuz berdi
Oqibatda yirik shaharlar “svet”siz qolgan.
Gruziyada elektr ta‘minotida katta uzilishlar yuz berdi. Bu haqida mahalliy nashrlar xabar bermoqda.Qayd etilishicha, mamlakatning yirik shaharlari — Tbilisi, Mtsxeta, Gori, Batumi, Poti, Borjomi, Kutaisi, Zugdidi va boshqa bir qator shaharlarda elektr energiyasi yo‘q.
“Telmiko” elektr taqsimlovchi kompaniyasining xabar berishicha, elektr energiyasidagi uzilish yirik avariya bilan bog‘liq.
Hozirda infratuzilma obyektlari generatorlarga ulangan. Qolgan iste‘molchilarda elektr ta‘minoti bosqichma-bosqich tiklanishi aytilgan.
