Ruminiya Qora dengiz boʻylab parvozlarni chekladi
Gumanitar hamda favqulodda holatlar uchun istisnolar mavjud.
Ruminiya hukumati Qora dengizning gʻarbiy sohillari boʻylab parvozlarni 20 kun muddatga chekladi. Cheklovlar 1-apreldan 30-aprelgacha amal qiladi.
Rasmiylarga ko‘ra, ushbu cheklov havo kemalari va uchuvchisiz uchish apparatlarining parvozlariga taalluqli bo‘lib, faqat davlat va maxsus aviatsiya, qidiruv-qutqaruv, gumanitar hamda favqulodda holatlar uchun istisnolar ko‘zda tutilgan.
Bu qaror 11-aprel kuni Britaniyaning razvedka samolyoti RC-135W Rivet Joint ikki Eurofighter Typhoon qiruvchisi kuzatuvida Qora dengiz ustida parvoz qilganidan so‘ng e’lon qilindi. Samolyot Buyuk Britaniyaning RAF Waddington aviabazasidan havoga ko‘tarilib, Ruminiya qirg‘oqlari yaqinidagi neytral hudud ustida parvoz qilgan.
Ma’lumotlarga ko‘ra, samolyot parvozdan so‘ng o‘z bazasiga qaytgan. Cheklovlar ortidan xavfsizlik choralarining kuchaytirilgani ehtimoli mavjud, ammo rasmiylar bu borada qo‘shimcha izoh bermagan.
