Shvetsiyada tug‘ilish darajasi keskin kamaymoqda
2024-yilda tarixiy eng past ko'rsatkich qayd etildi.
Shvetsiyada 2024-yilda tug‘ilish darajasi misli ko‘rilmagan darajada pasayib ketdi. Rasmiy ma’lumotlarga ko‘ra, bu yil mamlakatda bir ayolga to‘g‘ri keladigan tug‘ilish soni atigi 1,43 nafar bolani tashkil etdi — bu esa Shvetsiya tarixidagi eng past ko‘rsatkich sanaladi.
Shuningdek, yil davomida tug‘ilgan bolalar soni ilk bor 2003-yildan buyon 100 ming kishidan kam bo‘ldi. Shvetsiya Statistika agentligi bu holatni demografik inqiroz sifatida baholamoqda.
Tahlillarga ko‘ra, yaqin yillarda mamlakatda tug‘ilish darajasi pastligicha qoladi. Aholining qarib borayotgani va o‘limlar sonining ortishi tufayli demografik muvozanat yanada izdan chiqishi mumkin. 2030-yilga borib esa Shvetsiya aholisi atigi 90 ming kishiga ortib, 10,7 millionga yetishi kutilmoqda.
