Italiyada deputat parlament yig'ilishiga arvoh kiyimida keldi
U Bosh vazirni qo‘rqitmoqchi bo'lgan.
14-may kuni Italiya parlamentida g‘alati va e'tiborli voqea yuz berdi. Deputat Rikardo Madji boshiga choyshab yopib, arvoh kiyimida parlament zaliga kirib, Bosh vazir Jorjiya Melonini qo‘rqitishga urindi.
Voqea Bosh vazir Meloni parlament a’zolarining savollariga javob berayotgan paytda sodir bo‘lgan. Madji, "Yevropa+" muxolifat partiyasining kotibi, boshiga oq choyshab yopib, o‘zini arvoh sifatida ko‘rsatib, tribuna tomon yo‘l oldi va Meloniga nisbatan tanqidlar yog‘dira boshladi.
Madji, 8-9 iyun kunlariga belgilangan referendumga e’tibor qaratdi. Bu referendumda fuqarolik va mehnat qonunchiligi bilan bog‘liq beshta masala muhokama qilinadi. Madji 2016-yilda, Meloni muxolifatda bo‘lgan paytda, u o‘shanda referendum haqida sukut saqlaganini tanqid qildi.
Madji hozirda, aynan shu holatni qayta takrorlanayotganini va hozirgi hokimiyat vakillarining saylov uchastkalariga bormaslikni tavsiya qilishlariga noroziligini bildirib, buni norozilik namoyishi sifatida amalga oshirdi. Natijada, Madji parlament zalidan chiqarib yuborildi. U olib chiqilayotgan vaqtda Bosh vazir Meloni yuzida tabassum bilan voqeani tomosha qilib, “arvoh” deputatni telefonida videoga oldi.
Eslatib o‘tamiz, avvalroq Armaniston parlamentida spiker va muxolifat deputati o‘rtasidagi og‘zaki tortishuv oxir-oqibat mushtlashuvga aylanib ketgandi. Mojaroni to‘xtatish uchun Davlat xavfsizlik xizmati xodimlari zalga kiritilgan va spiker 20 daqiqalik tanaffus e’lon qilgan.
