Toshkentda begona ayolga shilqimlik qilgan erkak qamaldi
U sudda qilgan ishidan pushaymonligini bildirgan.
Aniqlanishicha, fuqaro I.S. mast holda E.I.ni orqa tomonidan kelib, unga nisbatan shahvoniy shilqimlik qilgan. Mazkur holat joriy yilning 16 may kuni soat 22:00 atrofida Toshkent shahar Sergeli tumanidagi bolalar maydonchasi yaqinida sodir bo‘lgan. Oqibatda I.E. IIOga murojaat qilgan.
Mazkur holat yuzasidan sud ishi JIB Sergeli tumani sudida ko‘rib chiqildi.
Sud majlisida huquqbuzar I.S. mast holatda nima qilganligini bilmasligini, qilgan ishidan chin ko‘ngildan pushaymonligini bayon qilib, ko‘rsatma bergan.
Sud hukmiga ko‘ra, I.S. MJtKning 41-1-moddasi 1-qismida nazarda tutilgan huquqbuzarlikni sodir etganlikda aybli deb topilib, unga nisbatan 5 sutka maʼmuriy qamoq jazosi tayinlandi.
