Hindistonlik milliarder asalari chaqishidan vafot etdi
Asalari uning og‘zini chaqqan.
Hindistonlik milliarder va Britaniya shahzodasi Uilyamning yaqin do‘sti Sanjay Kapur polo o‘yinida og‘ziga asalari kirib ketishi oqibatida 53 yoshida vafot etdi.
Asalari Kapurning og‘zini chaqqanidan so‘ng u anafilaktik shok holatiga tushgan va yuragi to‘xtab qolgan. Hodisa o‘yin vaqtida sodir bo‘lgan.
Mutaxassislarning aytishicha, nafas yo‘llarida ro‘y bergan ari chaqishi nafas olishni qiyinlashtiradi, yo‘llarni to‘sib qo‘yadi va qon bosimining keskin tushishiga olib keladi, bu esa yurak faoliyatining to‘xtashiga sabab bo‘ladi.
Sanjay Kapur nafaqat yirik biznesmen, balki sportni qo‘llab-quvvatlovchi, ko‘plab xayriya tadbirlarining homiysi sifatida ham tanilgan edi. Uning kutilmagan o‘limi jamiyatda katta qayg‘u bilan qarshi olindi.
