Isroil fuqarolariga mamlakatni tark etishni taqiqladi
Isroilning asosiy xalqaro aeroporti yopilgan.
Isroil hukumati Eron bilan keskinlik ortgani sababli o‘z fuqarolariga xorijga chiqishni vaqtincha taqiqladi. Middle East Monitor’ning xabar berishicha, bu qaror ehtimoliy xavfsizlik tahdidlariga, xususan Eronning aeroportlarga hujum qilish ehtimoliga asoslangan.
Hukumat mahalliy aviakompaniyalarga isroillik yo‘lovchilarni xalqaro reyslarga qo‘ymaslikni buyurdi. Isroilning asosiy xalqaro darvozasi hisoblangan Ben-Gurion aeroporti “keyingi ogohlantirishgacha” yopilgan. Bunday qaror xavfsizlik idoralarining aeroportlarda odamlar to‘planib qolishi holatida Eron zarbasi ko‘plab qurbonlarga olib kelishi mumkinligi haqidagi ogohlantirishlariga asoslanadi.
Transport vaziri Miri Regev: “Hozirgi bosqichda biz isroilliklarning xorijga chiqishiga ruxsat bermaymiz. Hozir faqat chet ellik diplomatlar, sayyohlar va mehmonlar mamlakatni tark etmoqda”, — deya bayonot berdi. U shuningdek, xorijda qolib ketgan 100 mingdan ortiq isroillikni qaytarish operatsiyasi bosqichma-bosqich amalga oshirilishini ma’lum qildi.
Mazkur qaror mamlakat ichida siyosiy noroziliklarni keltirib chiqardi. Milliy birdamlik partiyasi rahbari Benni Gans vazirning fikrlarini qoralab, hukumat xalqni jazolamasligi, balki ularning xavfsiz qaytishini ta’minlashi kerakligini ta’kidladi. Bu chora Eronning yaqinda Mashhad aeroportiga qilingan misli ko‘rilmagan hujumi ortidan kuchaytirilgan xavotirlar fonida kiritilgan.
