Apple AQSh o‘rniga Hindistonga sarmoya kiritmoqda
Apple Tramp tahdidlariga qaramay Hindistonda ishlab chiqarishni kengaytirmoqda.
Tayvanning yirik elektronika ishlab chiqaruvchisi Foxconn Apple kompaniyasining Hindistondagi ishlab chiqarish rejasini sezilarli darajada kengaytirmoqda. Kompaniya ilk bor iPhone smartfonlari uchun metall korpuslar ishlab chiqarishni yo‘lga qo‘yadi.
Mazkur harakat Apple’ning global ishlab chiqarish zanjirini diversifikatsiya qilish va mahalliy ishlab chiqarishga bo‘lgan sarmoyalarni oshirish strategiyasining bir qismidir. Mutaxassislarning hisob-kitoblariga ko‘ra, Foxconn tomonidan Hindistonda qo‘shilgan qiymat hali past darajada bo‘lib, umumiy ishlab chiqarish qiymatining 10 foizidan oshmaydi. Biroq bu yangi bosqich ushbu ko‘rsatkichni asta-sekin oshirishi kutilmoqda.
Foxconn Hindistondagi yangi korpus ishlab chiqarish zavodi qurilishini boshlab yuborgan.
Ma’lumki, ilgari AQSh prezidenti Donald Tramp Apple’ni iPhone’larni bevosita AQShda ishlab chiqarishga da’vat etgan edi. U, agar kompaniya bu talabni bajarmasa, Apple mahsulotlariga 25 foizli boj joriy etish bilan tahdid qilgan edi.
Apple esa ishlab chiqarishni sharqiy Osiyoda diversifikatsiya qilishni afzal ko‘rib, ayni damda Trampning bosimiga qarshi bormoqda.
