Tehron uranni boyitishni davom ettiradi
Bu haqda Eron Atom agentligi ma'lum qildi.
Eron Atom energiyasi agentligi AQSh tomonidan Natanz va Fordo yadroviy obyektlariga uyushtirilgan hujumlardan so‘ng ham uranni boyitish jarayoni to‘xtatilmasligini ma’lum qildi.
Reuters keltirgan bayonotga ko‘ra, Eron o‘z yadroviy infratuzilmasi va sanoat rivojlanishini to‘xtatishga yo‘l qo‘ymaydi. Agentlik bu hujumlarni xalqaro huquq va Yadro qurollarini tarqatmaslik to‘g‘risidagi shartnoma buzilishi deb baholagan.
Shuningdek, Eron tomoni Xalqaro atom energiyasi agentligini (MAGATE) AQSh harakatlariga nisbatan sukut saqlayotganlikda aybladi. Tehron yadroviy faoliyatini xalqaro bosimlarga qaramay davom ettirishini ta’kidladi.
