Suriyada mamlakat gerbini o'zgartirish to'g'risida qaror qabul qilindi
Damashqda tantanali tarzda yangi gerb namoyish qilindi.
Suriya hukumati mamlakatning rasmiy gerbini yangilash to‘g‘risida qaror qabul qildi. Yangi gerbda qanotlarini yoygan va boshida uchta yulduz aks ettirilgan burgut tasviri joy olgan. Bu haqda “al-Ikhbaria” telekanali xabar berdi deydi oxu.az nashri.
Damashqda bo‘lib o‘tgan tantanali marosimda yangilangan davlat ramzi keng jamoatchilikka taqdim etildi. Suriya Prezidenti nomidan so‘zga chiqqan Ahmed ash-Shara yangi gerb “xalqning tarixida yangi bosqich boshlanganini” ifodalaydi, deya ta’kidladi.
Uning so‘zlariga ko‘ra, burgut tasviri suriyaliklarning kuchi, matonati va qat’iyatini ramziy tarzda ifodalaydi. Uch yulduz esa mamlakat kelajagiga bo‘lgan umid va birlikni anglatadi.
Eslatib o‘tamiz, avvalgi gerbda qalqon ko‘tarib turgan burgut tasviri bo‘lib, unda ikkita yulduz va “Suriya Arab Respublikasi” yozuvi tushirilgan lenta mavjud edi.
Yangi gerbning joriy etilishi mamlakat siyosiy hayotida muhim bosqich sifatida e’tirof etilmoqda.
