Fransiya va Buyuk Britaniya yadroviy kuchlarini birlashtirmoqda

Fransiya prezidenti Emmanuel Makron va Buyuk Britaniya bosh vaziri Kir Starmer tarixiy deklaratsiyani imzoladi. Ushbu hujjat ikki davlatning mustaqil yadroviy kuchlarini birinchi bor muvofiqlashtirishini rasman e’lon qiladi. Bu Yevropa xavfsizligi uchun yangi bosqich bo‘lib, yadroviy siyosatda hamkorlikka eshik ochadi. Bu haqda The New York Times nashri xabar bergan.

 

"Bugun ertalab biz tegishli deklaratsiyani imzoladik. Bu hujjat birinchi marta bizning mustaqil yadroviy tiyib turuvchi kuchlarimizni muvofiqlashtirishimizni tasdiqlaydi," — dedi Starmer Parijdagi matbuot anjumanida. "Agar qit’amiz xavf ostida qolsa, bu ikki davlat tomonidan birgalikda javob berishga olib keladi."

 

Ekspertlarning fikricha, bu kelishuv Rossiya yoki boshqa geosiyosiy tahdidlarga qarshi kuchli signal bo‘lib xizmat qiladi. Ayniqsa, NATO doirasidan tashqari ikki yadroviy davlat o‘rtasida bunday darajadagi strategik muvofiqlik ilk bor kuzatilmoqda. Kelishuv Yevropaning yadroviy xavfsizlik tamoyillarini qayta shakllantirishi mumkin.

 

Fransiya va Buyuk Britaniya NATO a’zosi bo‘lishiga qaramay, o‘z yadroviy tarsenallarini mustaqil boshqaradi. Bu kelishuv ularga bir-birining strategik harakatlariga tezroq javob berish imkonini beradi. Rasmiylarning qayd etishicha, deklaratsiya Yevropa mudofaasini mustahkamlash yo‘lidagi muhim qadamdir.