Azizbek Urunov Prezidentning Jahon savdo tashkiloti bo‘yicha rasmiy vakili lavozimiga tayinlandi

O‘zbekiston Respublikasi Prezidenti farmoniga ko‘ra, davlat xizmatining turli yo‘nalishlarida qator yangi tayinlovlar amalga oshirildi. Quyidagi mutasaddilar yangi lavozimlarga tayinlandi:

 

Erkin Yuldashev — Prezident Administratsiyasining Komplaens xizmati boshlig‘i etib tayinlandi.

 

Azizbek Urunov — Prezidentning Jahon savdo tashkiloti bo‘yicha rasmiy vakili lavozimini egalladi. Shu munosabat bilan u JST bo‘yicha maxsus vakil lavozimidan ozod qilindi.

 

Aziz Magrupov — Prezidentning tashqi investitsiyalar bo‘yicha vakili lavozimini egalladi. U bunga qadar ushbu soha bo‘yicha prezident maslahatchisi bo‘lgan.

 

Alisher Sultanov — energetik xavfsizlik bo‘yicha Prezident vakili etib tayinlandi. Shu asosda u energetika masalalari bo‘yicha maslahatchi lavozimidan ozod qilindi.

 

Odil Abdurahmonov — Prezidentning sport bo‘yicha vakili lavozimini egalladi. U ilgari Prezident Administratsiyasining Ijtimoiy rivojlanish departamenti rahbari bo‘lgan.

 

Ushbu tayinlovlar davlat boshqaruvining strategik yo‘nalishlarida mutaxassislar salohiyatidan samarali foydalanishga qaratilgan.