Denovda dahshatli YTH: 3 kishi vafot etgani aytilmoqda
Holat bo‘yicha viloyat IIB YHHB maʼlumot berdi.
Ijtimoiy tarmoqlarda Surxondaryo viloyatida yuz bergan yo‘l-transport hodisasida 3 kishi vafot etgani aytilgan videolar tarqalmoqda. Holat yuzasidan viloyat IIB YHXB rasmiy munosabat bildirdi.
Qayd etilishicha, hodisa 27 avgust kuni soat 10:05 larda Denov tumani “Qaytmas” MFY hududidan o‘tuvchi yo‘lda yuz bergan. 2006 yilda tug‘ilgan shaxs Nexia rusumli transport vositasini boshqarib kelib, ehtiyotsizlik va tajribasizligi sababli oldinda ketayotgan avtomashinani quvib o‘tib, yo‘lning qarama-qarshi harakat bo‘lagiga chiqqan. Natijada qarama-qarshi tomondan harakatlanib kelayotgan Lacetti rusumli transport vositasi bilan to‘qnashgan.
Yo‘l-transport hodisasi oqibatida jarohatlanganlar tibbiyot muassasalariga yetkazilgan.
