O'zbekiston

Xorazmda xususiy bog‘cha vafot etgan bolalar orqali 161 mln so‘m o‘zlashtirdi

Bog‘cha rahbarlari vafot etgan va bog‘chaga qatnamaydigan bolalarni ro‘yxatga kiritib, davlat subsidiyalarini o'zlashtirgan.

Xorazmda xususiy bog‘cha vafot etgan bolalar orqali 161 mln so‘m o‘zlashtirdi

 

Xorazm viloyatida nоdavlat maktabgacha ta’lim muassasasi rahbarlari tomonidan davlat subsidiyalarini noqonuniy o‘zlashtirish holati aniqlanib, aybdor shaxslar jinoiy javobgarlikka tortildi. Bu haqda Kun.uz xabar berdi.

 

Sud hujjatlarida qayd etilishicha, 1965-yilda tug‘ilgan Z.Y. Shovot tumanida faoliyat yuritgan nоdavlat maktabgacha ta’lim tashkiloti rahbari bo‘lib ishlagan. U 2019-yil 6-may kuni Maktabgacha ta’lim vazirligi bilan davlat-xususiy sheriklik asosida bitim tuzgan.

 

Z.Y. 2023-yilda 12 nafar, 2024-yilda 19 nafar hamda 2025-yilda 12 nafar, amalda ushbu bog‘chaga qatnamagan bolalarni tarbiyalanuvchi sifatida rasmiylashtirgan. Shuningdek, u 2 nafar vafot etgan bolani ham ro‘yxatga kiritib, maxsus onlayn platformaga soxta ma’lumotlar yuklagan. Natijada davlat budjetidan 70 million so‘m subsidiya ajratilishiga erishib, ushbu mablag‘larni shaxsiy ehtiyojlari uchun sarflagan.

 

Bundan tashqari, Z.Y. 2021-yil 14-fevral kuni turmush o‘rtog‘i R.A. nomiga Shovot tumanida oilaviy bog‘cha tashkil qilgan. 2022-yil 30-avgustda esa Maktabgacha ta’lim vazirligi bilan yana bir davlat-xususiy sheriklik bitimi tuzilgan. Sud materiallariga ko‘ra, er-xotin 2023-yilda 15 nafar, 2024-yilda 38 nafar hamda 2 nafar vafot etgan bolani haqiqatda bog‘chaga qatnamagan bo‘lsa-da, tarbiyalanuvchi sifatida ko‘rsatgan. Shu yo‘l bilan 91 million so‘m subsidiya mablag‘lari talon-toroj qilingan.

 

Sud jarayonida ayblanuvchilar ayblarga qisman iqror bo‘lgan. Ularning aybi guvohlarning ko‘rsatmalari, mutaxassislar xulosalari va boshqa dalillar bilan tasdiqlangan. Jumladan, sudda so‘roq qilingan ota-onalar farzandlari mazkur bog‘chalarga qatnamaganini, hatto ushbu muassasalar qayerda joylashganidan ham bexabar bo‘lganini bildirgan.

 

Jinoyat ishlari bo‘yicha Gurlan tuman sudi hukmiga ko‘ra, Z.Y. va R.A. o‘zlashtirish yoki rastrata yo‘li bilan talon-toroj qilish, shuningdek, hujjatlarni qalbakilashtirish jinoyatlarida aybli deb topilgan. Ularga 2 yil 6 oy muddatga ozodlikni cheklash jazosi, shuningdek, 1 yil davomida davlat ishtirokidagi tashkilotlarda mansabdor va moddiy javobgar lavozimlarda ishlash huquqidan mahrum etish jazosi tayinlangan.

 

Bundan tashqari, yetkazilgan moddiy zararni qoplash maqsadida er-xotindan davlat foydasiga solidar tartibda jami 161 million so‘m undirilishi belgilangan. Xorazm viloyat sudi jinoyat ishlari bo‘yicha sudlov hay’atining 2026-yil 20-yanvardagi ajrimi bilan ushbu hukm o‘zgarishsiz qoldirilgan.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.