O'zbekiston

O‘zbekistonda qishloq xo‘jaligi yerlarida suvdan foydalanishni nazorat qilish uchun dronlardan foydalaniladi

“Suvchilar maktabi” loyihasi doirasida joriy yilda 10 ming nafar fermer xo‘jaligi xodimining malakasi oshiriladi, 358 nafar suv xo‘jaligi mutaxassisi xorijda malaka oshiradi.

O‘zbekistonda qishloq xo‘jaligi yerlarida suvdan foydalanishni nazorat qilish uchun dronlardan foydalaniladi

 

O‘zbekistonda qishloq xo‘jaligi yerlarida suv resurslaridan foydalanish samaradorligini oshirish va suv isrofini kamaytirish maqsadida nazorat mexanizmlari kuchaytirilmoqda. Prezident matbuot xizmati xabariga ko‘ra, Suv xo‘jaligi obyektlari xavfsizligi va suvdan foydalanishni nazorat qilish inspeksiyasiga ekin maydonlarida suvdan foydalanish jarayonini monitoring qilish uchun uchuvchisiz uchish apparatlaridan (dronlardan) foydalanishga ruxsat beriladi.

 

Qayd etilishicha, inspeksiyaning hududiy bo‘linmalarida suv tejovchi texnologiyalarni joriy etish hamda suvdan foydalanishni monitoring qilishga mas’ul bo‘limlar tashkil etiladi. Shuningdek, tadbirkorlik subyektlarida o‘tkaziladigan tekshiruvlar jarayonida yonkameralardan foydalanish amaliyoti yo‘lga qo‘yiladi.

 

Suv tejovchi texnologiyalardan maqsadli foydalanish ustidan nazorat kuchaytiriladi. Xususan, subsidiya ajratilgan va suv tejovchi texnologiyalar joriy etilgan yer maydonlarida ushbu uskunalar yoki ularning asosiy qismlaridan foydalanmasdan an’anaviy sug‘orish usullarini qo‘llash suvdan o‘zboshimchalik bilan foydalanish sifatida baholanadi.

 

Bundan tashqari, sholi yetishtiriladigan hamda baliqchilik xo‘jaliklari joylashgan hududlarda suvni boshqarish va hisobini yuritishni takomillashtirish maqsadida “aqlli” suv o‘lchash va hisoblash qurilmalari o‘rnatiladi. Ushbu vositalar “Suv hisobi” axborot tizimiga integratsiya qilinadi.

 

Fermer xo‘jaliklarining huquq va manfaatlarini himoya qilishni kuchaytirish maqsadida “Suvxo‘jaliknazorat” inspeksiyasi va uning hududiy boshqarmalari tomonidan suv tejovchi texnologiyalarni o‘rnatish bilan bog‘liq masalalar yuzasidan sudlarga da’vo arizalari kiritilganda davlat boji undirilmasligi taklif etildi.

 

Shuningdek, ilg‘or xorijiy tajribani inobatga olgan holda suv tejovchi texnologiyalarni joriy etish bo‘yicha mutaxassislar tayyorlash va ularning malakasini oshirish rejalari taqdim etildi. Jumladan, “Suvchilar maktabi” loyihasi doirasida joriy yilda 10 ming nafar fermer xo‘jaligi xodimining malakasi oshiriladi, 358 nafar suv xo‘jaligi mutaxassisi xorijda malaka oshiradi.

 

Bundan tashqari, suv tejovchi texnologiyalarni bank kreditlarisiz, o‘z mablag‘lari hisobidan joriy etayotgan tashabbuskorlarni qo‘llab-quvvatlash maqsadida subsidiya ajratishning yangi tizimi yo‘lga qo‘yiladi. Ushbu tizimga ko‘ra, loyiha-smeta hujjatlari va ta’minotchi korxona bilan tuzilgan shartnoma asosida subsidiya mablag‘larining 50 foizi Agrar sohada to‘lovlar agentligi tomonidan oldindan ajratiladi.

Toshkent havosi sifati: noyabrning so‘nggi kunlari qanday o‘tadi?

Toshkent havosi sifati: noyabrning so‘nggi kunlari qanday o‘tadi?

Poytaxtda 27–30-noyabr kunlari kuchli harorat inversiyasi kuzatilishi mumkin.

Prezident Shavkat Mirziyoyev davlat tashrifi bilan Iordaniyada bo‘ladi

Prezident Shavkat Mirziyoyev davlat tashrifi bilan Iordaniyada bo‘ladi

Tashrif dasturiga ko‘ra, Amman shahrida oliy darajadagi muzokaralar va boshqa tadbirlar o‘tkaziladi.

Yangilangan o‘zbek alifbosi: pasport va ID-kartalar almashtiriladimi?

Yangilangan o‘zbek alifbosi: pasport va ID-kartalar almashtiriladimi?

“O‘zbek alifbosiga kiritilgan o‘zgartirishlarni jamiyat hayotining barcha sohalariga joriy etish chora-tadbirlari to‘g‘risida”gi qaror loyihasi jamoatchilik muhokamasiga qo‘yildi.

Davlat tashkilotining sobiq xodimi qidiruvda edi: u Turkiyada ushlandi

Davlat tashkilotining sobiq xodimi qidiruvda edi: u Turkiyada ushlandi

U Jinoyat kodeksining 167 va 228-moddalari bilan qidiruvga berilgan bo‘lib, O‘zbekistonga qaytarilgan.

Qarshidagi xonadonda gaz portladi: jarohatlanganlar bor

Qarshidagi xonadonda gaz portladi: jarohatlanganlar bor

Hozirda hodisaning kelib chiqish sabablari va holatlarini aniqlash yuzasidan surishtiruv ishlari olib borilmoqda.

O‘zbekistonda 23,5 mingta xorijiy korxona faoliyat yuritmoqda: eng ko‘pi savdo sohasida

O‘zbekistonda 23,5 mingta xorijiy korxona faoliyat yuritmoqda: eng ko‘pi savdo sohasida

Sanoat, axborot va aloqa hamda qurilish yo‘nalishlari ham xorijiy korxonalar faoliyatida yetakchi sohalar qatorida.

Elektr energiyasi to‘lovi: gazsiz hududlar uchun oylik bazaviy me’yor oshirildi

Elektr energiyasi to‘lovi: gazsiz hududlar uchun oylik bazaviy me’yor oshirildi

Yangi me’yordan foydalanish uchun fuqarolardan ariza yoki qo‘shimcha hujjatlar talab etilmaydi.

OTMlar milliy reytingi: davlat oliygohlarini rag‘batlantirish tartibi belgilandi

OTMlar milliy reytingi: davlat oliygohlarini rag‘batlantirish tartibi belgilandi

Reyting natijalari e’lon qilinganidan keyin 15 ish kuni ichida rag‘batlantirish mablag‘lari davlat oliy ta’lim tashkilotiga o‘tkaziladi.