Qozog‘istonlik komik Nurlan Saburovga Rossiyaga kirish 50 yilga taqiqlandi
Bunga urush bo‘yicha tanqidiy bayonotlar va migratsion hamda soliq masalalari sabab bo‘lgan.
Qozog‘istonlik taniqli komik Nurlan Saburovga Rossiya Federatsiyasiga kirish 50 yil muddatga taqiqlangani haqida xabarlar tarqaldi. OAV ma’lumotlariga ko‘ra, mazkur taqiq 2026-yil 30-yanvardan kuchga kirgan. Bu haqda Tengrinews nashri xabar berdi.
Manbalarga ko‘ra, ushbu qaror milliy xavfsizlik manfaatlari, amaldagi qonunchilikka rioya etilishi hamda davlat qadriyatlarini himoya qilish bilan izohlangan. Ayrim manbalar ta’kidlashicha, taqiq qo‘yilishiga Saburov tomonidan Rossiyaning Ukrainadagi harbiy harakatlari tanqid qilinishi, shuningdek, migratsiya va soliq qonunchiligiga oid ehtimoliy buzilishlar sabab bo‘lgan.
Rasmiy idoralar tomonidan mazkur masala yuzasidan batafsil izoh berilgani haqida ochiq ma’lumotlar hozircha mavjud emas. Ochiq manbalarda keltirilishicha, qaror “milliy xavfsizlik manfaatlari” doirasida qabul qilingan.
