Hindistonda Nipah virusidan 2-o‘lim qayd etildi
U 25 yoshli hamshira bo'lib, virusni yanvar oyida o'zi ishlagan kasalxonadan yuqtirgan.
Hindistonda Nipah virusi bilan bog‘liq ikkinchi o‘lim holati qayd etildi. Bu haqda NDTV xabar berdi.
Ma’lumotlarga ko‘ra, 25 yoshli hamshira joriy yil yanvar oyida o‘zi faoliyat yuritgan tibbiyot muassasasida davolanayotgan bemordan virusni yuqtirgan. Bemor uzoq vaqt og‘ir ahvolda bo‘lib, komaga tushgan.
Keyinchalik uning ahvoli nisbatan yaxshilangani qayd etilgan bo‘lsa-da, uzoq davom etgan og‘ir kasallik oqibatida immunitet tizimi zaiflashgan. Shundan so‘ng o‘pka infeksiyasi rivojlanib, sog‘lig‘i keskin yomonlashgan.
Xabarlarga ko‘ra, bemor hushiga kelishga harakat qilgan, biroq keyinchalik yurak faoliyati to‘xtashi natijasida vafot etgan. Shuningdek, ushbu kasallik bilan bog‘liq holda yana ikki nafar tibbiyot xodimida virus aniqlangani, ulardan biri sog‘ayib ketgani ma’lum qilingan.
Eslatib o'tamiz, avvalroq, Bangladesh shimolida Nipah virusi bilan kasallangan ayol vafot etgani ma'lum qilingan edi.
