Xilola Umarova vazir o‘rinbosari va universitet rektori lavozimiga tayinlandi
Shu munosabat bilan Prezidenti Administratsiyasi rahbarining ta’limni isloh qilish bo‘yicha o‘rinbosari lavozimidan ozod etildi.
O‘zbekiston Respublikasi Prezidentining tegishli farmonlariga muvofiq, davlat boshqaruvi va ta’lim tizimida kadrlar bo‘yicha o‘zgarishlar amalga oshirildi.
Unga ko‘ra, Xilola Uktamovna Umarova boshqa ishga o‘tishi munosabati bilan O‘zbekiston Respublikasi Prezidenti Administratsiyasi rahbarining ta’limni isloh qilish bo‘yicha o‘rinbosari lavozimidan ozod etildi.
Mazkur lavozimga Ilxom Toxirovich Siradjev tayinlandi.
Shuningdek, Xilola Uktamovna Umarova O‘zbekiston Respublikasi Maktabgacha va maktab ta’limi vazirligi vazirining pedagogik ta’limni rivojlantirish masalalari bo‘yicha o‘rinbosari lavozimiga hamda Nizomiy nomidagi O‘zbekiston milliy pedagogika universiteti rektori lavozimiga tayinlandi.
Mazkur tayinlovlar ta’lim tizimini yanada takomillashtirish, pedagogik kadrlar tayyorlash sifatini oshirish hamda sohada olib borilayotgan islohotlarni izchil davom ettirishga qaratilgani ta’kidlandi.
