Qirg‘izistondagi madrasada Qamchibek Tashiyevning sog'lig'i uchun duo o'qildi
Avvalroq Tashiyev mamlakatni vaqtincha tark etgani haqida xabar berilgandi.
Qirg‘izistondagi madrasalardan birida sobiq Milliy xavfsizlik davlat qo‘mitasi rahbari Qamchibek Tashiyev sog‘lig‘i uchun jamoaviy Qur’on tilovati va maxsus duolar o‘qildi. Ushbu jarayon aks etgan videolavha ijtimoiy tarmoqlarda keng tarqaldi.
Ma’lumotlarga ko‘ra, madrasa vakillari tomonidan uning tezroq sog‘ayishi, sog‘lig‘i mustahkamlanishi va tez orada faol hayotga qaytishi tilab duo qilingan.
Avvalroq Tashiyev mamlakatni vaqtincha tark etgani haqida xabar berilgandi. Ayrim OAVlarda bu safar uning sog‘lig‘i bilan bog‘liq bo‘lishi mumkinligi taxmin qilinmoqda. Biroq uning aynan qayerdaligi hamda qachon qaytishi yuzasidan rasmiy ma’lumot hozircha taqdim etilmagan.
