O‘zbekiston boks terma jamoasi Osiyo chempionatida 3 ta oltin medalni qo‘lga kiritdi
O‘zbekiston terma jamoasi musobaqani jami 11 ta medal bilan yakunladi.
Bugun, 10-aprel kuni Mongoliya poytaxti Ulan-Bator shahrida o‘tayotgan boks bo‘yicha Osiyo chempionati yakunlandi. musobaqada O‘zbekiston terma jamoasi 3 ta oltin medalga ega chiqdi.
Bugungi final bellashuvlarda ringga ko‘tarilgan -65 kg vaznda Abdulloh Madaminov, -80 kg vaznda Fazliddin Erkinboyev va -90 kg vaznda Halimjon Mamasoliyev raqiblaridan ustun keldi va O‘zbekiston terma jamoasiga turnirdagi ilk oltin medallarni keltirdi. - 85 kg vaznda Jasurbek Yo‘ldoshev va 75 kg vaznda Javohir Abdurahimov esa finalda mag‘lub bo‘lib kumush medallarga ega chiqdi. Shunday qilib, O‘zbekiston terma jamoasi musobaqani umumiy 3 ta oltin, 4 ta kumush va 4 ta bronza medallari bilan yakunladi.
Terma jamoaning Osiyo chempionatidagi g‘olib va sovrindorlari:
Oltin medal: -65 kg – Abdulloh Madaminov, -80 kg – Fazliddin Erkinboyev, -90 kg – Halimjon Mamasoliyev;
Kumush medal: -75 kg – Javohir Abdurahimov, -85 kg – Jasurbek Yo‘ldoshev, -75 kg – Aziza Zokirova, -80 kg – Ruxshona Parpiyeva;
Bronza medal: -60 kg – Abdurahmon Mahmudjonov, -57 kg – Nigina O‘ktamova, -70 kg – Oysha Toirova, +80 kg – Oltinoy Sotimboyeva.
