Siyosat

Oʻzbekiston va Qozogʻiston Prezidentlari sunʼiy intellekt boʻyicha xakatonda ishtirok etdi

Buxorodagi AI xakatonda davlat rahbarlariga sunʼiy intellekt asosidagi innovatsion loyihalar va startaplar taqdim etildi.

Oʻzbekiston va Qozogʻiston Prezidentlari sunʼiy intellekt boʻyicha xakatonda ishtirok etdi

 

Buxoro shahrida oʻtkazilayotgan “National AI Hackathon” – sunʼiy intellekt boʻyicha umummilliy xakatonga Oʻzbekiston Prezidenti Shavkat Mirziyoyev va Qozogʻiston Prezidenti Qosim-Jomart Toqayev tashrif buyurdilar.

 

Mazkur tadbir mamlakatda sunʼiy intellekt ekotizimini rivojlantirishga qaratilgan izchil siyosat doirasida tashkil etilgan boʻlib, unda raqamlashtirish va ilgʻor texnologiyalarni joriy etish borasida erishilgan natijalar taqdim etildi.

 

Xususan, “Raqamli hukumat” tizimi, transport, bojxona, soliq, sogʻliqni saqlash, ijtimoiy himoya, energetika, geologiya, qurilish hamda qishloq xoʻjaligi sohalarida amalga oshirilayotgan raqamli transformatsiya jarayonlari haqida batafsil maʼlumot berildi. Ushbu yoʻnalishlardagi islohotlar davlat boshqaruvi samaradorligini oshirish va aholining turmush sifatini yaxshilashga xizmat qilayotgani taʼkidlandi.

 

Shuningdek, Oʻzbekiston va Qozogʻiston startaplarini qoʻllab-quvvatlash ekotizimi taqdim etildi. Davlat rahbarlari qator istiqbolli loyihalar faoliyati bilan tanishib, ularning mualliflari bilan muloqot qildilar.

 

Milliy va xalqaro akseleratorlar, jumladan “UZUM”, “TBC Bank”, “Aloqabank”, “HUMO” va “UZCARD” faoliyati yuzasidan ham maʼlumotlar berildi. Venchur infratuzilmasini rivojlantirish, yoshlar tadbirkorligini qoʻllab-quvvatlash hamda innovatsion gʻoyalarni amaliyotga joriy etish muhimligi alohida qayd etildi.

 

Xakaton doirasida ishtirokchilar tomonidan turli sohalardagi dolzarb muammolarga yechim boʻladigan loyihalar taqdim etildi. Ochiq muloqot davomida yoshlarning ijodiy salohiyati va sunʼiy intellekt texnologiyalariga boʻlgan qiziqishi yuqori baholandi.

 

Tadbir yakunida davlat rahbarlari xakaton ishtirokchilari va startap hamjamiyati vakillari bilan esdalik uchun suratga tushdilar.

Ziroat Mirziyoyeva “Nol chiqindi” Global alyansini tashkil etishga bag‘ishlangan uchrashuvda ishtirok etdi

Ziroat Mirziyoyeva “Nol chiqindi” Global alyansini tashkil etishga bag‘ishlangan uchrashuvda ishtirok etdi

O‘zbekiston Birinchi xonimi alyans doirasida ekologik ta’limni rivojlantirish va yoshlarning ekologik loyihalarini qo‘llab-quvvatlash tashabbuslarini ilgari surdi.

Ziroat Mirziyoyeva COP31 doirasida O‘zbekiston milliy pavilyoniga tashrif buyurdi

Ziroat Mirziyoyeva COP31 doirasida O‘zbekiston milliy pavilyoniga tashrif buyurdi

Pavilyonda “Zamin” fondining “Eco-Schools Uzbekistan” loyihasi doirasida uzluksiz ekologik ta’lim tizimi taqdim etildi.

Shavkat Mirziyoyev Finlyandiya prezidenti bilan uchrashdi

Shavkat Mirziyoyev Finlyandiya prezidenti bilan uchrashdi

Uchrashuvda tomonlar o'rtasidagi metallurgiya, energetika, geologiya, ekologiya hamda suv resurslari sohalaridagi hamkorlikni kengaytirish masalalarini ko‘rib chiqildi.

Shavkat Mirziyoyev Turkiy davlatlar tashkilotining yangi bosh kotibini qabul qildi

Shavkat Mirziyoyev Turkiy davlatlar tashkilotining yangi bosh kotibini qabul qildi

Tomonlar 2027-yilda O‘zbekistonda o‘tkazilishi rejalashtirilgan TDT sammitiga tayyorgarlik masalalarini ko‘rib chiqdi.

Mirziyoyev Turkiyaga tashrifi doirasida Gruziya Prezidenti bilan uchrashdi

Mirziyoyev Turkiyaga tashrifi doirasida Gruziya Prezidenti bilan uchrashdi

Uchrashuvda O‘zbekiston va Gruziya o‘rtasidagi strategik sheriklikni yanada rivojlantirish masalalari muhokama qilindi.

Shavkat Mirziyoyev Saudiya Arabistoni energetika vaziri boshchiligidagi delegatsiyani qabul qildi

Shavkat Mirziyoyev Saudiya Arabistoni energetika vaziri boshchiligidagi delegatsiyani qabul qildi

Uchrashuvda ikki mamlakat o‘rtasidagi investitsiyaviy hamkorlikni rivojlantirish va yangi amaliy loyihalarni ishlab chiqish masalalari ko‘rib chiqildi.

Shavkat Mirziyoyev Turkiyaga jo‘nab ketdi

Shavkat Mirziyoyev Turkiyaga jo‘nab ketdi

Davlat rahbari BMTning Iqlim o‘zgarishi bo‘yicha konferensiyasining 31-sessiyasi tadbirlarida ishtirok etadi.

Sun’iy intellekt xavfsizlikka tahdid solmasligi kerak: Shavkat Mirziyoyev xalqaro tashabbuslarni ilgari surdi

Sun’iy intellekt xavfsizlikka tahdid solmasligi kerak: Shavkat Mirziyoyev xalqaro tashabbuslarni ilgari surdi

O‘zbekiston Prezidenti Ostonada Aqaba jarayoni doirasidagi Markaziy Osiyo yetakchilari uchrashuvida qatnashdi.