Rossiyada Telegram to‘liq bloklandi
So‘nggi 24 soat ichida Telegramdagi nosozliklar yuzasidan foydalanuvchilardan 2,6 mingta shikoyat kelib tushgan.
Rossiyada Telegram messenjeri ishlashida jiddiy uzilishlar kuzatilmoqda. Bu haqda “Agentstvo” xabar berdi.
OONI ma’lumotlariga ko‘ra, juma kuni ertalab kirishdagi nosozliklar darajasi 95 foizga yetgan — bu so‘nggi haftalardagi eng yuqori ko‘rsatkichdir.
Taqqoslash uchun, WhatsApp va Signal messenjerlarida ushbu ko‘rsatkich 89 foizni tashkil etgan. Bu esa Telegram’ga nisbatan cheklovlar kuchliroq bo‘lishi mumkinligini ko‘rsatadi.
Downdetector ma’lumotlariga ko‘ra, so‘nggi 24 soat ichida foydalanuvchilardan 2,6 mingta shikoyat kelib tushgan. Murojaatlarning asosiy qismi Moskva, Sankt-Peterburg va boshqa yirik hududlardan qayd etilgan.
Ayrim holatlarda nosozliklar VPN xizmatlaridan foydalanuvchilarga ham ta’sir qilgani taxmin qilinmoqda.
Kuzatuvchilarga ko‘ra, vaziyat Rossiyada “Memorial” inson huquqlari tashkiloti faoliyati taqiqlanishi hamda “Novaya Gazeta” tahririyatida o‘tkazilgan tintuvlardan keyin keskinlashgan.
Avvalroq Rossiyada Telegram bloklanishi ortidan Federatsiyada O‘zbekiston SIM-kartalarini sotib olish ko‘payayotgani haqida xabar berilgandi.
