Islomobod vositachilikni davom ettiradi — Pokiston TIV
Pokiston tomonlarga uzoq muddatli tinchlik sari konstruktiv harakat qilishni tavsiya etdi.
Pokiston Tashqi ishlar vazir Ishoq Dar AQSh va Eron o‘rtasidagi muzokaralar yakunlariga munosabat bildirib, tomonlarni sulh bitimiga qat’iy rioya qilishga chaqirdi.
Rasmiy bayonotda qayd etilishicha, Islomobod Pokiston vositachilik missiyasini davom ettirish niyatida bo‘lib, Eron va AQSh o‘rtasidagi muloqotni osonlashtirishga bundan keyin ham ko‘maklashadi.
“Umid qilamizki, har ikki tomon uzoq muddatli tinchlikka erishish yo‘lida konstruktiv harakatlarni davom ettiradi. Sulh bo‘yicha olingan majburiyatlarga rioya etilishi nihoyatda muhim”, — dedi Ishoq Dar.
Shuningdek, u muzokaralarning ushbu bosqichida ishtirok etish uchun Islomobodga kelgan delegatsiyalarga minnatdorlik bildirib, Islomobod muloqot uchun ochiq platforma bo‘lib qolishini ta’kidlagan.
Eslatib o‘tamiz, 11-aprel kuni AQSh va Eron delegatsiyalari Pokiston vositachiligida muzokaralar o‘tkazgan edi. J.D. Vens boshchiligidagi Amerika delegatsiyasi muzokaralardan so‘ng kelishuvga erishilmaganini ma’lum qilgan.
