Tramp Eronni dengiz blokadasi bilan tahdid qildi
Bayonot Eron va AQSh o‘rtasidagi Islomobod muzokaralari natijasiz tugaganidan so‘ng yangradi.
Donald Tramp Eronga nisbatan keskin bayonot bilan chiqib, agar Tehron muzokaralarda yon berishdan bosh tortsa, AQSh uning dengiz orqali kirish yo‘llarini to‘sib qo‘yishi mumkinligini ma’lum qildi.
AQSh prezidenti bu haqda Truth Social ijtimoiy tarmog‘idagi sahifasida yozib, ehtimoliy choralar qatorida dengiz blokadasi qo‘llanilishi mumkinligini ta’kidlagan.
“Agar Eron chekinmasa, Prezident o‘zining eng kuchli vositalaridan biri — dengiz blokadasidan foydalanishi mumkin”, — deya qayd etgan u.
Mazkur bayonot Islomobod shahrida o‘tkazilgan Eron–AQSh muzokaralari kelishuvsiz yakunlangani ortidan yangragan. Tasnim axborot agentligi xabariga ko‘ra, muzokaralar davomida tomonlar ayrim masalalarda yaqinlashuvga erishgan bo‘lsa-da, asosiy yo‘nalishlarda kelishmovchiliklar saqlanib qolgan.
Eron Tashqi ishlar vazirligi vakili Ismoil Bag‘ayi ham tomonlar bir nechta bandlar bo‘yicha kelishuvga erishganini, biroq ikki yoki uchta muhim masalada qarashlar keskin farq qilgani sababli umumiy bitim imzolanmaganini bildirgan.
