Sirdaryoda bog‘cha mudirasi pora bilan ushlandi
U fuqaroni ishga joylashtirish uchun pul talab qilgan.
Sirdaryo viloyatida davlat maktabgacha ta’lim tashkiloti mudirasi pora bilan qo‘lga olindi. Bu haqda viloyat IIB xabar berdi.
Ma’lum qilinishicha, mudira ishga joylashtirishni va’da qilib, fuqarodan 2,5 million so‘m talab qilgan.
U avval 200 ming so‘mni plastik karta orqali olgan. Keyin esa qolgan 2 mln 300 ming so‘mni olayotgan vaqtida tezkor tadbir davomida qo‘lga olingan.
Hozirda holat yuzasidan hujjatlar rasmiylashtirilib, tergov ishlari olib borilmoqda.
Avvalroq Surxondaryoda maktab direktori 2 million so‘m pora olib, 4 yilga qamalgani haqida xabar berilgandi.
