O'zbekiston

O‘zbekistonda ayollarning iqtisodiy imkoniyatlarini kengaytirishga qaratilgan qo‘shma dastur ishga tushirildi

Dastur orqali O‘zbekistonda 1 000 ta oila teng huquqli oilaviy amaliyotlarni rivojlantirish va bandlik imkoniyatlaridan foydalanish bo‘yicha qo‘llab-quvvatlanadi, 3 000 juftlik esa nikoh oldi va oilaviy maslahat xizmatlaridan foydalanadi.

O‘zbekistonda ayollarning iqtisodiy imkoniyatlarini kengaytirishga qaratilgan qo‘shma dastur ishga tushirildi

Yevropa Ittifoqi va O‘zbekiston Respublikasi Hukumati o‘rtasidagi hamkorlik doirasida Yevropa Ittifoqi BMTning Aholishunoslik jamg‘armasi (UNFPA), UN Women va UNICEF bilan birgalikda “O‘zbekistonda ayollarning iqtisodiy imkoniyatlarini kengaytirish” nomli yangi Qo‘shma dasturni rasman ishga tushirdi. 

 

 

Dastur inson kapitali, reproduktiv salomatlik va demografik barqarorlikka muhim investitsiyalarni taqdim etadi hamda ayollarning sifatli oila rejalashtirish xizmatlari, munosib mehnat, ta’lim va tadbirkorlik imkoniyatlaridan foydalanishini kuchaytiradi, gender tengligi, bandlik va inklyuziv iqtisodiy o‘sishga alohida e’tibor qaratadi.

 

 “O‘zbekiston Hukumati gender tengligini ilgari surish va barcha sohalarda ayollar uchun imkoniyatlarni kengaytirishga sodiq qolmoqda. Ushbu dastur ayollarning iqtisodiy ishtirokini mustahkamlashga, oilalarni qo‘llab-quvvatlashga va mamlakatimizda barqaror rivojlanishni ta’minlashga xizmat qiladi”, dedi tadbirda ishtirok etgan O‘zbekiston Respublikasi Bosh vaziri o‘rinbosari, Oila va xotin-qizlar qo‘mitasi raisi Zulayxo Maxkamova.

 

Dastur iqtisodiy imkoniyatlar, ijtimoiy me’yorlarni o‘zgartirish va huquqlarga asoslangan reproduktiv salomatlik xizmatlaridan foydalanish yo‘nalishlarini birlashtiradi. Maqsadli ko‘nikmalarni rivojlantirish, tadbirkorlikni qo‘llab-quvvatlash va xususiy sektor bilan hamkorlik orqali dastur ayollarning munosib mehnat va daromad manbalariga kirish imkoniyatlarini kengaytiradi. 

 

“Ayollarning iqtisodiy jihatdan imkoniyatlarini kengaytirish nafaqat tenglik masalasi — bu barqaror o‘sish va yanada mustahkam jamiyat uchun zarur shartdir. Ushbu tashabbus orqali Yevropa Ittifoqi O‘zbekistonni o‘z islohotlar maqsadlarini butun mamlakat bo‘ylab ayollar uchun real imkoniyatlarga aylantirishda qo‘llab-quvvatlashdan faxrlanadi”, deya qayd etdi Yevropa Ittifoqining O‘zbekistondagi elchisi Toyvo Klaar.

 

Dastur shuningdek reproduktiv salomatlik va oilani rejalashtirish xizmatlarini o‘z ichiga olgan muhim xizmatlardan foydalanish imkoniyatlarini mustahkamlaydi. Bu esa ayollarga o‘z sog‘ligi, oilasi va turmush sharoiti bo‘yicha ongli qarorlar qabul qilish imkonini beradi.

 

 

 “Ayollarning iqtisodiy imkoniyatlarini kengaytirish sog‘liq, huquq va tanlov imkoniyatlari bilan chambarchas bog‘liq. Ushbu dastur orqali UNFPA ayollarning o‘z hayoti bo‘yicha ongli qarorlar qabul qilishi, sifatli xizmatlardan foydalanishi va iqtisodiy hamda ijtimoiy hayotda to‘liq ishtirok etishini ta’minlashga sodiqdir”, dedi BMT Aholishunoslik jamg‘armasining O‘zbekistondagi doimiy vakili doktor Nigina Abaszade.

 

Qayd etilishicha dastur orqali O‘zbekistonda 1 000 ta oila teng huquqli oilaviy amaliyotlarni rivojlantirish va bandlik imkoniyatlaridan foydalanish bo‘yicha qo‘llab-quvvatlanadi, 3 000 juftlik esa nikoh oldi va oilaviy maslahat xizmatlaridan foydalanadi. 700 nafar o‘smir qizlar, jumladan 150 nafar nogironligi bo‘lgan qizlar, hayotiy ko‘nikmalarni rivojlantirish, ta’lim va bandlik imkoniyatlaridan foydalanish imkoniga ega bo‘ladi.

 

5 000 nafar ayol kasbiy va raqamli ta’lim oladi hamda tadbirkorlikni rivojlantirish bo‘yicha qo‘llab-quvvatlanadi. Bundan tashqari yana yuzlab xotin-qizlarning iqtisodiy imkoniyatlarini ko‘tarish rejalari bayon qilindi. 

  

Ma’lumot uchun: “O‘zbekistonda ayollarning iqtisodiy imkoniyatlarini kengaytirish” qo‘shma dasturi Yevropa Ittifoqi tomonidan moliyalashtiriladi va uning umumiy byudjeti 5,1 million yevroni tashkil etadi. Dastur 2026–2028-yillar davomida amalga oshiriladi. U BMT Aholishunoslik jamg‘armasi (UNFPA) yetakchiligida, UN Women va UNICEF hamkorligida amalga oshiriladi hamda O‘zbekiston bo‘ylab, 14 ta hududda maqsadli faoliyatlar bilan joriy etiladi.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.