O'zbekiston

14 yoshli qizning tanishi PPX xodimini “shantaj” qilgani aniqlandi

IIBBga ko‘ra, Ohangarondagi mojaro shaxsiy kelishmovchilik oqibatida yuzaga kelgan, PPX xodimiga nisbatan ayblovlar asossiz.

14 yoshli qizning tanishi PPX xodimini “shantaj” qilgani aniqlandi

Toshkent viloyati Ichki ishlar bosh boshqarmasi Ohangaron tumanida 14 yoshli qiz bilan bog‘liq holat yuzasidan ijtimoiy tarmoqlarda tarqalgan videomurojaat bo‘yicha qo‘shimcha ma’lumot berdi.

 

Rasmiy bayonotga ko‘ra, mazkur voqea yuzasidan kompleks tekshiruvlar o‘tkazilgan va videoda keltirilgan ayblovlar haqiqatga mos kelmasligi aniqlangan.

 

Dastlab, ijtimoiy tarmoqlarda patrul-post xizmati (PPX) xodimi voyaga yetmagan qizga nisbatan nomaqbul harakat qilgani haqida murojaat tarqalgan edi.

 

Aniqlanishicha, joriy yil 27-aprel kuni tungi soat 00:30 atrofida PPX xodimiga avvaldan tanish bo‘lgan 22 yoshli ayol qo‘ng‘iroq qilib, uchrashuvga chaqirgan. Shundan so‘ng, ayol va 14 yoshli qiz o‘z ixtiyorlari bilan xodim boshqaruvidagi avtomobilga o‘tirgan. Ular qisqa vaqt davomida shahar hududida harakatlangan va ma’lum joyda to‘xtagan.

 

Oradan 15–20 daqiqa o‘tgach, yana bir avtomobil kelib to‘xtagan. Undan tushgan uch nafar yigitdan biri 14 yoshli qiz bilan yaqin munosabatda bo‘lgan shaxs ekani aniqlangan. U mashina oldiga kelib janjal chiqargan, transport vositasiga zarar yetkazishga uringan hamda yonidagi shaxslarga voqeani videoga olishini aytgan.

 

Mazkur videoyozuv keyinchalik ijtimoiy tarmoqlarda tarqatilib, unda PPX xodimiga nisbatan asossiz ayblovlar ilgari surilgan.

 

Tekshiruv davomida ma’lum bo‘lishicha, videomurojaatni tarqatgan shaxs qizning qarindoshi emas. U qiz bilan shaxsiy munosabatda bo‘lib, uni nazorat qilib kelgan. Shuningdek, ushbu yigit bir necha kun avval ham aynan shu qiz bilan tungi vaqtda birga yurgani uchun PPX xodimi tomonidan rasmiy ogohlantirilgan.

 

Rasmiylarga ko‘ra, aynan shu holat yigitning norozi kayfiyatiga sabab bo‘lgan va u vaziyatni noto‘g‘ri talqin qilgan holda xodimga nisbatan bosim o‘tkazish maqsadida videotasvirni tarqatgan.

 

Voqea ishtirokchisi bo‘lgan 22 yoshli ayol ham videomurojaatda keltirilgan da’volarni rad etib, hech qanday majburlash yoki noqonuniy harakat bo‘lmaganini bildirgan. Uning so‘zlariga ko‘ra, ular avtomobilga o‘z ixtiyori bilan o‘tirgan, holat esa tashqi shaxslar tomonidan ataylab keskinlashtirilgan.

 

Ichki ishlar organlari fuqarolarni ijtimoiy tarmoqlarda tarqalayotgan har qanday xabarlarga tanqidiy yondashishga va faqat rasmiy manbalarga tayanishga chaqirdi.

 

Mazkur holat yuzasidan qonunchilikka muvofiq huquqiy baho berilishi ma’lum qilindi.

Xorijiy korxonalar: Toshkent shahri va viloyati yetakchilik qilmoqda

Xorijiy korxonalar: Toshkent shahri va viloyati yetakchilik qilmoqda

2026-yil 1-oktyabr holatiga ko‘ra, O‘zbekistonda xorijiy investitsiyalar ishtirokidagi 22 mingdan ortiq korxona faoliyat yuritmoqda.

O‘zbekiston Prezidenti davlat tashrifi bilan O‘monda bo‘ladi

O‘zbekiston Prezidenti davlat tashrifi bilan O‘monda bo‘ladi

Masqat shahrida oliy darajadagi ikki tomonlama muzokaralar va boshqa tadbirlar bo‘lib o‘tadi.

Farg‘onada avtomobil velosipedchini urib yubordi: jabrlanuvchi shifoxonada vafot etdi

Farg‘onada avtomobil velosipedchini urib yubordi: jabrlanuvchi shifoxonada vafot etdi

Hozirda holat yuzasidan tergovga qadar tekshiruv harakatlari olib borilmoqda.

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

O‘zbekistonda ichimliklar ishlab chiqarish 11 foizga o‘sdi: eng yuqori ko‘rsatkich Toshkentda qayd etildi

Joriy yilning dastlabki to‘qqiz oyida yirik korxonalar tomonidan ishlab chiqarilgan ichimliklar qiymati 25,5 trln so‘mni tashkil etdi.

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Toshkentda kiberjinoyatlarda gumonlangan ikki guruh fosh etildi: 72 kishi ushlandi

Holatlar yuzasidan jinoyat ishi qo‘zg‘atildi.

Toshkentda havo sifati: 15-noyabr tongida yaxshilanishi mumkin

Toshkentda havo sifati: 15-noyabr tongida yaxshilanishi mumkin

Hozirda atmosfera havosi sifati Maxsus komissiya tomonidan doimiy monitoring qilinmoqda.

Paxta xirmoni 5 mln tonnadan oshdi, ammo terim davom etmoqda — vazirlik

Paxta xirmoni 5 mln tonnadan oshdi, ammo terim davom etmoqda — vazirlik

Qishloq xo‘jaligi vazirligi dalalarda hali paxta borligi ushbu natijani shubha ostiga qo‘ymasligini ta’kidladi.

Bir o‘rindiq sababli mojaro: Toshkentda ikki erkak 3 sutkaga qamaldi

Bir o‘rindiq sababli mojaro: Toshkentda ikki erkak 3 sutkaga qamaldi

Metroda joy bermagani uchun yo‘lovchini haqorat qilgan va keyinchalik uning ortidan borgan erkaklarga jazo tayinlandi.