BAA havo hududi to‘liq ochildi
Qaror xavfsizlik va operatsion holat to‘liq o‘rganilgach qabul qilingan.
Birlashgan Arab Amirliklari o‘z havo hududini to‘liq qayta ochdi va avval joriy etilgan barcha parvoz cheklovlarini bekor qildi. Bu haqda mamlakat Fuqaro aviatsiyasi bosh boshqarmasi WAM davlat axborot agentligiga tayanib ma’lum qildi.
Qayd etilishicha, mazkur qaror xavfsizlik va operatsion sharoitlar har tomonlama tahlil qilingandan so‘ng qabul qilingan. Aviatsiya idoralari parvozlar xavfsizligini ta’minlash maqsadida real vaqt rejimida doimiy monitoring olib borilayotganini bildirgan.
Eslatib o‘tamiz, BAA fevral oyi oxirida mintaqadagi keskinlik fonida, xususan, dron hujumlari xavfi sabab o‘z havo hududini vaqtincha yopgan edi. Hozirda AQSh, Isroil va Eron o‘rtasida sulh amal qilayotgani fonida vaziyat nisbatan barqarorlashgan.
Shuningdek, avvalroq AQSh prezidenti Donald Tramp Erondagi mojaro yakunlanganini ma’lum qilgan edi.
