Boysunda sel oqibatida yana neft aralash suyuqlik oqmoqda
Hodisa 2026-yil 2-may kuni xandaq buzilishi oqibatida yuz bergan.
Boysun tumanida kuchli sel oqibatida neft aralash suyuqlik oqib chiqishi qayd etildi. Bu haqda O‘zbekiston Ekologiya va iqlim o‘zgarishi milliy qo‘mitasi ma’lum qildi.
Ma’lumotlarga ko‘ra, hodisa 2026-yil 2-mayda, tonggi soat 06:30 atrofida yuz bergan. Kuchli sel oqimi xandaqni buzib yuborgan, natijada neft aralash suyuqlik tashqariga sizib chiqqan.
Hozirda voqea joyida Surxondaryo viloyati Ekologiya bosh boshqarmasining Ekopolitsiya xodimlari va boshqa tegishli tashkilotlar ishtirokida o‘rganish ishlari olib borilmoqda.
Qayd etilishicha, hodisa sabablarini aniqlash va uning oqibatlarini baholash yuzasidan tekshiruvlarni davom ettirmoqda. Yakuniy natijalarga ko‘ra qo‘shimcha ma’lumot berilishi bildirilgan.
Avval ham Boysun tumanida neft aralash suyuqlikning daryoga oqib ketgani oqibatida tabiatga 8,5 milliard so‘mdan ortiq zarar yetkazilgani ma’lum qilingandi.
Hodisaga 23-aprel kuni hududda kuzatilgan kuchli yog‘ingarchiliklar sabab bo‘lgan. Oqibatda taxminan 1,2 tonna neft mahsulotlari aralash suyuqlik Xongaronsoyga oqib ketgan.
