Namanganda ayol ukol olayotganda vafot etdi
Holat yuzasidan hamshiraga nisbatan jinoyat ishi qo‘zg‘atildi.
Ijtimoiy tarmoqlarda Namanganda ayol ukol olayotganda vafot etgani haqida xabarlar tarqaldi. Mazkur holatga viloyat prokuraturasi rasmiy munosabat bildirdi.
Ma’lum qilinishicha, Yangiqo‘rg‘on tumani, “Yangi Bog‘iston” mahallasida yashagan, 1987-yilda tug‘ilgan fuqaro T. M. 2026-yilning 28-mart kuni “G‘ovozon” OSHPda muolaja olayotgan vaqtida sog‘lig‘i yomonlashib vafot etgan.
Mazkur holat yuzasidan Yangiqo‘rg‘on tuman prokuraturasi tomonidan Yangiqo‘rg‘on TTB.ga qarashli “G‘ovozon” OSHP TBX oila hamshirasi G.E.ga nisbatan JKning 116-moddasi 3-qismi bilan jinoyat ishi qo‘zg‘atilgan.
Hozirda Yangiqo‘rg‘on tuman prokuraturasi tomonidan tergov harakatlari olib borilmoqda.
Jinoyat ishi tergovi viloyat prokuraturasi tomonidan nazoratga olingan.
