O‘zbekiston Prezidenti Serbiya tashqi ishlar vaziri Marko Jurichni qabul qildi
Uchrashuvda 2025-yilgi kelishuvlarni amalga oshirish bo‘yicha yo‘nalishlar belgilandi.
Prezident Shavkat Mirziyoyev 6-may kuni O'zbekistonga tashrif bilan kelgan Marko Jurichni qabul qildi.
Uchrashuv avvalida yuqori martabali mehmon Aleksandr Vuchichning salomi va ezgu tilaklarini yetkazdi.
Suhbat chog‘ida O‘zbekiston va Serbiya o‘rtasidagi ko‘p qirrali hamkorlikni yanada rivojlantirish, 2025-yil oktabr oyida oliy darajada erishilgan kelishuvlarni amaliyotga tatbiq etish masalalari muhokama qilindi.
Tomonlar hukumatlar, parlamentlar va ishbilarmon doiralar o‘rtasidagi muloqot faollashganini mamnuniyat bilan qayd etdi.
Iqtisodiy hamkorlik doirasida tovar ayirboshlash hajmini oshirish, mashinasozlik, farmatsevtika, kimyo sanoati, IT, qishloq xo‘jaligi va turizm sohalarida qo‘shma loyihalarni kengaytirish masalalari ko‘rib chiqildi.
Shuningdek, joriy yilda Belgrad shahrida Hukumatlararo komissiyaning birinchi yig‘ilishini o‘tkazish bo‘yicha kelishuvga erishildi.
Uchrashuvda mehnat migratsiyasi, madaniy-gumanitar va ta’lim sohalaridagi hamkorlikni rivojlantirish masalalari ham muhokama qilindi.
