Migratsiya agentligining sobiq xodimi xalqaro qidiruvga berildi
Azizbek Toshtemirov firibgarlikda ayblanmoqda.
O‘zbekiston Migratsiya agentligining sobiq bo‘lim boshlig‘i Azizbek Toshtemirovni xalqaro qidiruvga berdi. Uning ismi Interpol saytidagi "qizil bildirishnomalar" ro‘yxatida paydo bo‘ldi.
Xabarnomaga ko‘ra, Azizbek Toshtemirov 1990-yil 15-mayda Andijon viloyatida tug‘ilgan. U 35 yoshda. Sobiq amaldor firibgarlikda ayblanmoqda.
Ma’lumotlarga ko‘ra, u Tashqi mehnat migratsiyasi agentligida (2024-yil oktyabr oyida Vazirlar Mahkamasi huzuridagi Migratsiya agentligi sifatida qayta tashkil etilgan) Koreyadagi vakolatxona rahbari sifatida ishlagan. Toshtemirov 2025-yilning mart oyida turli qonunbuzarliklar uchun ishdan bo‘shatilgan.
Avvalroq Migratsiya agentligi sobiq mansabdorlari xorijga ishga yuborish bo‘yicha korrupsion sxema tuzgani aniqlangandi.
