Prezident Shavkat Mirziyoyev Turkistonga yetib bordi
Prezidentni Qozog‘iston Respublikasi Davlat maslahatchisi Yerlan Karin va boshqa rasmiylar kutib oldi.
O‘zbekiston Respublikasi Prezidenti Shavkat Mirziyoyev amaliy tashrif bilan Turkiston shahriga keldi. Bu haqda Prezident matbuot xizmati xabar berdi.
Ma’lum qilinishicha, “Hazrat Sulton” xalqaro aeroportida oliy martabali mehmonni Qozog‘iston Respublikasi Davlat maslahatchisi Yerlan Karin, Turkiston viloyati hokimi Nuralxan Kusherov va boshqa rasmiylar kutib oldi.
Bugun davlat rahbari Turkiy davlatlar tashkilotining norasmiy sammitida ishtirok etadi.
Sammitda qatnashuvchi delegatsiyalar rahbarlari Turkiston shahridagi tarixiy yodgorliklar va madaniy obyektlar bilan tanishishi ham rejalashtirilgan.
