Prezident Shavkat Mirziyoyev Bokuga yetib bordi
Davlat rahbarini Haydar Aliyev nomidagi aeroportda rasmiylar kutib oldi.
O‘zbekiston Prezidenti Shavkat Mirziyoyev Ozarbayjon Prezidenti Ilhom Aliyevning taklifiga binoan Boku shahriga bordi.
Haydar Aliyev nomidagi xalqaro aeroportda davlat rahbarini Ozarbayjon madaniyat vaziri Odil Karimli va boshqa rasmiylar kutib oldi.
Tashrifning asosiy tadbirlari ertaga, 18-may kuni bo‘lib o‘tadi. Dasturga muvofiq, O‘zbekiston Prezidenti Butunjahon urbanizatsiya forumining 13-sessiyasi tadbirlarida, shu jumladan, Yetakchilar sammitida ishtirok etadi.
