Surxondaryoda 13 yoshli qiz daryoga cho'kib ketdi
Denov tumanidan oqib o'tuvchi To'palang daryosidan qizning jasadi topilgan.
Surxondaryoda voyaga yetmagan qizning daryoga oqib ketishi bilan bog‘liq holat yuzasidan tergovga qadar tekshiruv harakatlari olib borilmoqda.
Viloyat prokuraturasi ma’lumotiga ko‘ra, Sariosiyo tumani “Afrosiyob” mahallasida yashagan, 2012-yilda tug‘ilgan voyaga yetmagan F.M.ning To'palang daryosiga oqib ketgani yuzasidan tuman prokuraturasi tomonidan tekshiruv tayinlangan.
Dastlabki ma’lumotlarga ko‘ra, joriy yilning 15-may kuni qizning jasadi Denov tumani “Ittifoq” mahallasi hududidan oqib o‘tuvchi To'palang daryosidan tan jarohatlarisiz topilgan.
Sud-tibbiy ekspertizasining dastlabki xulosasida marhumaning o‘limiga yuqori nafas yo‘llarining suv bilan berkilishi va mexanik asfiksiya sabab bo‘lgani qayd etilgan.
Hozirda holat yuzasidan tuman prokuraturasi tomonidan tergovga qadar tekshiruv harakatlari davom ettirilmoqda.
