Xitoy AQSh bosimi ostida Kubani kuchli qo'llab-quvvatlashini bildirdi
TIV vakili Guo Szyakun Kubaga qarshi tashqi aralashuv va siyosiy bosimlarni qabul qilib bo‘lmasligini ta’kidladi.
Xitoy Tashqi ishlar vazirligi Kubani o‘z milliy suvereniteti va qadr-qimmatini himoya qilishda, shuningdek, tashqi aralashuvlarga qarshi turishda qat’iy qo‘llab-quvvatlashini ma’lum qildi.
Bu haqda Xitoy Tashqi ishlar vazirligi vakili Guo Szyakun vazirlikning navbatdagi matbuot anjumanida bayonot berdi deb xabar berdi Sinxua.
Diplomatning ta’kidlashicha, Xitoy xalqaro huquq normalari yoki BMT Xavfsizlik Kengashi mandatisiz joriy etilgan bir tomonlama sanksiyalarga doimo qat’iy qarshi bo‘lib kelgan.
Mazkur bayonot Kuba hukumati tomonidan AQShning Kuba inqilobi yetakchilaridan biri Raul Kastroga qarshi ilgari surilgan ayblovlarning keskin rad etilishi fonida yangragan. Guo Szyakun Xitoy sud mexanizmlaridan siyosiy bosim vositasi sifatida foydalanish hamda tashqi kuchlarning turli bahonalar bilan Kubaga bosim o‘tkazishiga qarshi ekanini qayd etgan.
Shuningdek, u AQShni Kubaga qarshi sanksiyalar va boshqa cheklov choralarini to‘xtatishga, kuch ishlatish tahdididan voz kechishga chaqirdi.
Xitoy tomoni Kuba bilan do‘stona aloqalarni mustahkamlash va mamlakatning suveren huquqlarini himoya qilishni bundan buyon ham qo‘llab-quvvatlashini bildirgan.
