Tailandga 60 kunlik vizasiz kirish tartibi bekor qilindi
Mamlakatga kirish vizasini onlayn rasmiylashtirish talab etiladi.
Tailand hukumati mamlakatga vizasiz kirish hamda chegarada viza rasmiylashtirish (Visa on Arrival) tizimiga o‘zgartirish kiritish taklifini ma’qulladi. Bu haqda “Dunyo” axborot agentligi xabar berdi.
Hujjatga muvofiq, 2024-yil 15-iyuldan boshlab 93 davlat fuqarolari, jumladan O‘zbekiston fuqarolari uchun amal qilayotgan 60 kunlik vizasiz tartib bekor qilinadi.
Qaror Tailandning rasmiy “Royal Gazette” nashrida e’lon qilinganidan 15 kun o‘tib kuchga kiradi. Hujjat kelasi hafta e’lon qilinishi kutilmoqda.
Yangi tartiblarga ko‘ra, O‘zbekiston fuqarolari endilikda Tailandga vizasiz kira olmaydi. Mamlakatga kirish uchun vizani thaievisa.go.th portali orqali onlayn rasmiylashtirish talab etiladi.
