Qashqadaryoda 2 ta Nexia va yuk mashinasi ishtirokida YTH sodir bo'ldi
Hodisaga “Nexia-1” avtomashinasi transport vositalarini noto‘g‘ri quvib o‘tishi sabab bo'lgan.
Qashqadaryo viloyatining Ko‘kdala tumanida yo‘l-transport hodisasi sodir bo'ldi.
Viloyat Yo‘l harakati xavfsizligi boshqarmasi matbuot xizmatiga ko‘ra, hodisa joriy yil 24-may kuni soat 14:20 larda Qarshi–Yettitom yo‘nalishidagi D-150 avtomobil yo‘lining 13-kilometrida sodir bo‘lgan. Unda “Nexia-1”, “Nexia-2” yengil avtomobillari hamda “KamAZ” yuk mashinasi ishtirok etgan.
To‘qnashuv oqibatida “Nexia-2” avtomobilida bo‘lgan bir nafar yo‘lovchi tan jarohati olib, shifoxonaga yotqizilgan. Qolgan haydovchi va yo'lovchilarga hech qanaqa zarar yetmagan.
Dastlabki surishtiruv harakatlari davomida “Nexia-1” avtomashinasi transport vositalarini noto‘g‘ri quvib o‘tishi natijasida ushbu yo‘l-transport hodisasi sodir bo'lgani aniqlangan.
Mazkur yo‘l-transport hodisasi yuzasidan Qashqadaryo viloyati IIB JXX YHXB xodimlari tomonidan belgilangan tartibda rasmiy hujjatlar rasmiylashtirilgan.
