13 yildan beri qudruvda bo'lgan o'zbekistonlik Nyu-Yorkdan deporatatsiya qilindi
U giyohvandlik vositalari bilan bog'liq jinoyat sodir etganlikda gumonlanmoqda.
Ichki ishlar vazirligi Operativ tergov departamenti AQSh huquqni muhofaza qilish organlari hamda AQShning Toshkentdagi elchixonasi bilan hamkorlikda xalqaro qidiruvda bo‘lgan shaxsni aniqlash va O‘zbekistonga qaytarish bo‘yicha amaliy ishlarni amalga oshirdi. Bu haqda vazirlik matbuot xizmati xabar berdi.
Hamkorlik natijasida AQShning Nyu-York shahrida 1989-yilda tug‘ilgan O‘zbekiston fuqarosi aniqlanib, u tegishli tartibda hibsga olingan. Mazkur shaxs O‘zbekiston Jinoyat kodeksining 276-moddasi 2-qismida (giyohvandlik vositalari, ularning o'xshashlari yoki psixotrop moddalarni sotish niyatini ko'zlamasdan noqonuniy tayyorlash, olish, saqlash va boshqa harakatlar) nazarda tutilgan jinoyatni sodir etganlikda ayblanib, 2023-yildan buyon qidiruvda bo‘lgan.
Olib borilgan protsessual va xalqaro hamkorlik choralari natijasida u belgilangan tartibda O‘zbekistonga deportatsiya qilingan.
Hozirda ichki ishlar organlari tomonidan jinoyat sodir etib, tergov va sud organlaridan yashirinib yurgan shaxslarni aniqlash va ularni javobgarlikka tortish bo‘yicha xalqaro hamkorlik doirasidagi tezkor-qidiruv tadbirlari davom ettirilmoqda.
