O‘zbekistonda 5 kunda 14 mingdan ortiq mahalla chiqindilardan tozalandi
“Dolzarb 10 kunlik”ning dastlabki besh kunida 70 925 tonna maishiy chiqindi olib chiqilgan.
O‘zbekistonda Qurbon hayiti munosabati bilan o‘tkazilayotgan “Dolzarb 10 kunlik” tozalik tadbirlarining dastlabki besh kunida hududlardan 70 ming tonnadan ortiq maishiy chiqindi olib chiqilgan. Bu haqda Chiqindilarni boshqarish agentligi ma’lum qildi.
Qayd etilishicha, 25-maydan 3-iyunga qadar respublika bo‘ylab amalga oshirilayotgan tadbirlar doirasida barcha mahalla va aholi yashash hududlarida sanitariya-tozalash ishlari kuchaytirilgan. Bayram kunlari chiqindilar to‘planib qolishining oldini olish maqsadida maxsus ishchi shtab faoliyati yo‘lga qo‘yilgan.
Dastlabki besh kun davomida:
• 14 494 ta mahalla fuqarolar yig‘ini hududi tozalangan;
• 33 024 nafar xodim va 12 484 ta maxsus texnika jalb qilingan;
• 70 925 tonna qattiq maishiy chiqindi olib chiqilib, belgilangan tartibda bartaraf etilgan.
