“Xatolarni rasmiy o‘yinlarda emas, o‘rtoqlik uchrashuvlarida qilish yaxshi” — Fabio Kannavaro

 

O‘zbekiston milliy terma jamoasi bosh murabbiyi Fabio Kannavaro Kanada terma jamoasiga qarshi o‘rtoqlik uchrashuvidan so‘ng jamoa o‘yini va natijaga izoh berdi.

 

Mazkur bahsda O‘zbekiston terma jamoasi 0:2 hisobida mag‘lub bo‘lgan edi.

 

Matbuot anjumanida so‘zga chiqqan murabbiy o‘yin davomida yo‘l qo‘yilgan xatolar va ularning sabablari haqida to‘xtalgan.

 

“Har qanday o‘yinda xatolar bo‘ladi. Ularni o‘n kundan keyingi rasmiy uchrashuvlarda emas, aynan shunday o‘rtoqlik o‘yinlarida qilish yaxshiroq. Bu futbolning bir qismi”, — degan murabbiy.

 

Uning ta’kidlashicha, birinchi bo‘limda jamoa tartibli va agressiv harakat qilgan, ikkinchi bo‘limda esa temp pasayib, to‘p nazorati yo‘qotilgan.

“Ikkinchi bo‘limda to‘pni ko‘proq nazorat qilishni istadik, ammo shiddatni yo‘qotdik va bir nechta xatolarga yo‘l qo‘ydik. Bunday darajadagi o‘yinlarda bunday xatolar jazosiz qolmaydi”, — deya ta'kidlagan Kannavaro.

 

Murabbiy Kanada terma jamoasini uzoq vaqtdan beri kuzatib kelilishini, jamoa so‘nggi yillarda ular sezilarli darajada o‘sganini bilirib, terma jamoa haqida ham ijobiy fikr bildirgan.

 

Shuningdek, murabbiy muxlislar qo‘llab-quvvatlovini alohida e’tirof etgan:

“Ob-havo sovuq bo‘lishiga qaramay, stadionga ko‘plab muxlislar keldi. Bunday qo‘llab-quvvatlash ostida o‘ynash juda yoqimli. Ularning barchasiga minnatdorchilik bildiraman”.

 

2026-yilgi jahon chempionatidagi raqiblar haqida fikr bildirar ekan, murabbiy quyidagilarni qayd etgan:

“Portugaliya, Kolumbiya va Kongo Demokratik Respublikasi juda kuchli jamoalar. Biz uchun bu tarixiy imkoniyat. Yutqazadigan hech narsamiz yo‘q, faqat tajriba orttirishimiz kerak”.

 

Murabbiy, shuningdek, futbolchi Abduqodir Husanov haqida ham alohida to‘xtalgan:

“Husanov juda iqtidorli futbolchi. Uning salohiyati yuqori. U ba’zan haddan tashqari agressiv harakat qiladi, ammo vaqt o‘tishi bilan yanada yetuk futbolchiga aylanadi”, — deya ta'kidlagan Kannavaro.