Qarshida “zapravka” portladi
Portlashdan so‘ng yuzaga kelgan yong‘inni o‘chirish ishlari olib borilmoqda.
Qashqadaryo viloyatining Qarshi tumanida joylashgan maishiy gaz ballonlariga suyultirilgan gaz quyish shoxobchasida portlash sodir bo‘ldi. Bu haqda Favqulodda vaziyatlar vazirligi ma’lum qildi.
Dastlabki ma’lumotlarga ko‘ra, hodisa 8-iyun kuni soat 13:50 atrofida Qarshi tumani “Chaman” mahalla fuqarolar yig‘ini hududida joylashgan gaz quyish shoxobchasida yuz bergan.
Xabar kelib tushishi bilan voqea joyiga Favqulodda vaziyatlar vazirligining qutqaruv bo‘linmalari jalb etilgan. Hozirda portlash oqibatida yuzaga kelgan yong‘inni bartaraf etish va vaziyatni to‘liq nazoratga olish ishlari olib borilmoqda.
Mas’ul xizmatlar tomonidan hodisaning sabablari va oqibatlariga aniqlik kiritilmoqda. Voqea yuzasidan qo‘shimcha ma’lumotlar keyinroq e’lon qilinishi kutilmoqda.
Eslatib o'tamiz, avvalroq Denovda gaz zapravkada portlash sodir bo'lgani haqida xabar berilgan edi.
